Sheikh Ibrahim Zakzaky Nigeria government ke liye khatra kyu hai?

Sheikh government aur secret agencies ke liye khatrnaak hai kyuki we jaante hai ki Sheikh ko bewakuf nahi banaya ja sakta.

Isi saal Zaria me hui arbaeen ki majlis me Sheikh Ibrahim Zakzaky ne kaha tha ki “hume Boko Haram ki kahaniyo se bewakuf nahi banaya ja sakta, kyuki hum jaante hai ki Boko Haram ki taraf se aane wale saare statements haqiqat me unke maai baap ki taraf se aate hai.

Sheikh Ibrahim Zakzaky Biography aur Nigeria ke halaat

Mu’allim Ibrahim Al-Zakzaky ki paidaish Zaria shahar me 5 May, 1953 (14 Shaban 1372 AH) ko hui. Al-Zakzaky ka matlab “Zazzau ka mard” hota hai.

Mu’allim Ibrahim ka shajra is tarah se hai: Ibrahim ibne Aliyu ibne Tajuddin ibne Imam Hussain. Imam Hussain Mali k eek sheikh the jo Mujadid Sheikh Usman bin Fodiyo ke waqt me Sokoto aae aur unke student ban gae. Iske baad Sheikh ne Imam Hussain ko Mu’allim Musa ke sath jod diya taki Zazzou ke Lardin state me Islamic Government qayam ho sake. 

Zazzou me hukumat girne ke baad, Mu’allim Musa waha ke Amir ban gae aur Imam Hussain unke religious adviser. Is dauran in khandaano ke darmiyaan shadiya hone lagi aur rishtey bahot achche ho gae. Yeh sab 19wi sadi ki shuruwaat me hua.

Letter4u: Ayatollah Khamenei ka Maghribi Mulko ke Tamam Naujawano ke Naam Paigham

29 Nov 2015

Shuru Allah ke naam se ho bada meharbaan aur reham karne wala hai

Maghribi mulko (Western Countries) ke tamam naujawano ke naam

Andhe aatankwaad ne France me jin kadwi ghatnao ko anjaam diya, usne mujhe ek baar phir aap naujawano se baat karne par aamada kiya hai. Mere liye yeh afsoos ka maqam hain ki hamari baatchit ki wajah is tarah ke waqeaat bane; lekin haqiqat yeh hai ke agar dardnaak masael hamare bich guftagu aur aapsi samajh banane ka maidan na bana sake to nuksaan dugna hoga.

Duniya me kisi bhi jagah par koi insaan ka dukh apne aap me puri insaniyat ke liye dukhdaai hota hai. Woh manzar ke bachcha apne chahne walo ke saamne dam tod deta hai, ek maa jis ke khandaan ki khushi sog me badal jaati hai, ek shouhar (husband) apni biwi ki laash uthae rote hue bhaag raha hai, ya woh tamashai ke jise nahi maloom ke chand lange baad apni zindagi ka aakhri waqt dekhne ja rahe hai. Yeh aise manzar nahi hai jo dekhne wale ko andar se jhinjhod na de. Jis ke andar zara si bhi mohabbat aur insaniyat baqi hogi, yeh manzar dekh kar ghamgeen aur ranjida hoga; chahe woh France me dikhai de ya Filistin, Iraq, Lebanon aur Syria me.